At ayun umusok.. haha!

Pauwi na ako sa amin, sumakay ako ng Stow Away, D.C. Perillo Liner (ganyan iyong model ng nasakyan kong bus). Duon ako nakaupo sa 2nd to the last row of seats right side (2 persons seats), window area. Akala ko ok ang byahe namin iyon pala hindi, haha! Nasa flyover na kami sa Baclaran nang mapansin ko na amoy gaas sa loob ng bus. Noong una hindi ko pinapansin kasi baka ako lang ang nakakaamoy at baka mawala din iyon at ma-immune din ako sa amoy. Habang binabaybay namin ang Coastal Road, napansin ko (nasa bandang exit ng Macapagal Road) na umuusok na iyong bus namin sa loob, oo sa loob. Mabilis lang ang mga pangyayari, noong una akala ko, namamalik-mata lang ako pero kumakapal na ang usok kasi kita na sa dark colored shirts iyong usok eh.. Nakaheadset ako kaya kaya ang tendency kapag nagsalita ako medyo malakas din at sinabi ko na umuusok na sa bus. Dali-dali namang tumabi iyong bus namin malapit sa may seaside market sa Coastal Road sa tapat ng Paranaque City Jail (?) yata iyon. Ang nakakaloko kasi, since alam kong ang area na inuupuan ko ay tapat ng gulong at umuusok nga sa area ko, kinakabaan na ako. Dali-dali namang bumaba ang driver at konduktor para tingnan ang parte ng makina ng bus na katapat ng inuupuan ko. Pinapabuksan nga sa akin ang bintana sa tapat ko pero hindi mabuksan kasi naka-selyado na iyong mga bintana nila. Nagagalit na ang isang pasahero kasi ayaw bumaba nung mga nasa unahan dahil natatakot na iyong pasaherong nagagalit na baka sumabog iyong bus namin. Kung siya na hindi nakaupo sa pwesto ko, takot na, paano pa kaya ako (pero hindi ako naghihihiyaw, medyo nangilabot lang).

Eh di nagbabaan nga iyong mga pasaherong nasa unahan, pababa na sana kaming mga nasa likod nang mapansin namin na pinababalik na iyong mga pasahero kasi ok na daw sabi nung driver. Bumalik na kami sa kinauupuan namin pero ako, hindi na ako komportable sa inuupuan ko kaya nagpalit kami ng katabi ko sa upuan kasi mukhang napansin niya nang ayaw ko nang umupo doon. Pagbaba ko sa may sakayan ng tricycle sa amin, nakita ko na bukas ang cover ng makina sa likod ng bus. Naisip ko na baka kaya umusok sa loob ng bus ay nag-overheat iyong makina. Dahil sarado naman ang cover ng makina sa loob, hindi makalabas ang usok at sa loob ng bus nakapasok. Paano nakapasok? Noong hindi pa puno ang bus, napansin ko, iyong sahig nila may tapal ng makapal na plywood, siguro iyong mga plywood na iyon, takip dun sa mga butas sa bus. Grabeng experience talaga, parang iyong kahapon lang sa Ariel, hehe..