Ngayon bumabalik na naman siya sa dati niyang gawain, ang mag-inom, manigarilyo, at magsugal. Itinigil na niya iyan dati pero ang hindi rin umubra at ngayon nga ay nagbalik na naman siya sa datin niyang gawi..
Sabi nga ni mama, "kinalak'han na niya 'yan eh.." kung totoo man iyon, iyon ay masaklap na katotohanan.. Hindi ko alam kung anong problema niya bakit siya nagkaganyan, Christian pa naman siya.. ang purong motibasyon sa pagdidisiplina ay hindi uubra sa kanya.. Faith ang kulang sa kanya. Ang mga ginagawa niya kasing pamamaraan ay Self-help, ginagawa niya ang mga bagay nang sa sarili niya lang, na sa dulo, mabibigo din siya at babalik na naman sa dati niyang siya.
Kaya minsan nahihirapan akong irespeto siya eh.. kasi kung sarili niya nga hindi niya marespeto at kung ganyan ang mga kilos niya, parang ang hirap magpakita ng respeto sa ganoon. Nitong nakaraang araw nga, sa huli ko lang naisip na dapat hindi ko tinanggap ang binigay niyang pera sa akin pandagdag sa baon ko dahil naalala kong maaaring galing sa sugal iyon. Minsan hirap akong kausapin siya dahil sa mga kilos at pag-uugali niya. Nitong mga nagdaang araw nga, matapos manggaling sa opisina, sa sugalan ang punta, hindi nakakatuwa iyon. Mayroon naman siyang pinag-aralan pero ang pag-uugali niya parang hirap turuan, bumabalik at bumabalik sa dati. Kaya minsan ilag ako sa kanya, minsan hirap akong respetuhin siya, hindi ko maintindihan ang ugali niya at mga kilos niya, idagdag pang ipinapakita niya ang nakakababang pagrespeto ng mga kilos at ugali niya.
Gayon pa man, dahil ama ko siya sa dugo, ipinagdarasal ko na lang na sana dumating ang araw na mamulat siya sa mga kamalian niya bago pa man mahuli ang lahat. Ako naman bilang anak niya, hangga't maaari, hindi ko siya tutularan, gagawa ako ng sarili kong daan, malayo sa kanyang kinalakihan.
0 comments:
Post a Comment