School Bus

Umaga pa lang, malakas na ang ulan sa Maynila. Ang UST daw ang unang nagsuspend ng klase at sinundan na ng iba pang mga unibersidad, pamantasan, at mga kolehiyo. Ang school namin na pa-astig kunyari, ayaw pa ring magsuspend ng klase. Buti na lang binalita na rin sa tv na wala na rin kaming klase pero medyo late na kaya naman kinatanghalian, pina-suspend na rin ang klase namin. Bumili lang ako ng makakain sa daan at sa bahay na ako mag-lulunch. Sakto namang sa SM Manila mayroong nang Ariel Express pero Richford Bus Lines 1039 ang nakasulat sa livery, gayon pa man, iisa lang naman may-ari noon at mahalaga, nakasakay na ako ng bus pauwi sa amin. 

Trapik na nang makaikot at makalabas ng PNU, TUP kanina iyong bus na sinakyan ko pauwi at sa kahabaan ng Taft Avenue, nagkalat ang mga estudyante na nag-aabang ng masasakyan pauwi sa kabila ng pagbabaha sa Maynila kanina, hehe.. buti na lang sa pinaka-unahan ako nakaupo kaya kitang kita ko ang mga tao sa labas. Halos ang nagparami sa sakay ng bus ay mga estudyante eh, haha, puro malalapit lang din naman ang mga bababaan. :)) Pero puno pa rin ng pasahero kaninang tanghali kasi naipit ang mga bus na Cavitex pauwi at naglabasan pa ang mga estudyante, sabayan pa ng mga tao sa Baclaran kaya fully loaded din kami kanina at maraming standing din.

pinaghugutan

1039